Grafísk hönnun

Almennar upplýsingar

Lengd námskeiðs: 156 kennslustundir.
Einingar til stúdentsprófs: 6
Staðgreiðsluverð: 196.000 kr. (Allar námsbækur eru innifaldar í verði).
Kjör fyrir atvinnulausa: 147.000 kr. (25% afsláttur) - geta líka sótt um 70.000 kr. styrk hjá VMST.
Inntökuskilyrði: Nemendur þurfa að hafa haldgóða þekkingu á Windows stýrikerfinu og reynslu af Internet notkun. Ekki er krafist þekkingar á teikniforritum, myndvinnslu- eða umbrotsforritum. Nemendur þurfa að geta lesið ensku þar sem námsbækur eru að hluta til á ensku.
Annað: Flest stéttarfélög styrkja félagsmenn til náms hjá NTV. Boðið er upp á VISA eða MasterCard lán.

Næstu námskeið:

Kvöldnámskeið:

Námskeið hefst: 13. sept.
Námskeiði lýkur:  8. des.
Kennsludagar og tími: Kennt er á mánudags- og miðvikudagskvöldum 18:00 - 22:00

Síðdegisnámskeið:

Námskeið hefst: 14. sept.
Námskeiði lýkur: 9. des.
Kennsludagar og tími: Kennt er á þriðjudags- og fimmtudagseftimiðdögum kl. 13:00 - 17:00.

Um námskeiðið:

Hér er um að ræða hagnýtt nám fyrir þá sem hafa þörf fyrir tölvutæknina við gerð auglýsinga, kynningarefnis og bæklinga. Kennt er á þau forrit sem aðallega eru notuð við gerð kynningarefnis á stafrænu formi. Markmiðið er að nemendur geti komið frá sér hugmyndum á tölvutæku formi og að frágangur allra verka sé réttur hvort sem það er fyrir prentun eða Internetið.
Námskeiðið byggir á kennslu og fyrirlestrum, einnig er mikið um verklegar æfingar.
Við breyttum nafninu á þessu námskeiði á haustönn 2009 - það hét áður Auglýsingatækni.

Helstu námsgreinar:

Mismunandi gerð kynningarefnis (6 stundir)

Farið er í yfirferð námskeiðsins og verkferlið rakið frá hugmynd að fullunnu verki. Kynntir eru helstu boðmiðlar og boðleiðir út á markaðinn. Svarað er spurningum s.s. hvað er ímynd fyrirtækis og hvernig er hún endurspegluð og styrkt með auglýsingum. Hvað er kauphegðun og hvaða áhrif hafa auglýsingar á kauphegðun neitandans. Hvað er gert á auglýsingastofu og margt fleira.

Adobe Illustrator (42 stundir)

Kennt er á Illustrator teikniforritið sem er eitt mest notaða teikniforritið á Íslandi í dag. Lögð er áhersla á að nemendur læri að tileinka sér þær aðferðir sem þarf til að koma góðri hugmynd á tölvutækt form. Mikið er um að nemendur vinna raunveruleg verkefni s.s. auglýsingar, umbúðir, lógó, stansverkefni og fleira þar sem forritið er notað til hins ýtrasta.

Adobe Photoshop og Imageready (36 stundir)

Kennt er á Photoshop myndvinnsluforritið. Hér er áhersla lögð á ljósmyndir. Farið er í helstu aðgerðir forritsins sem snúa að myndvinnslu. Kennd er uppbygging ljósmynda, mun á vectormyndum og punktamyndum, upplausn, litadýpt, skjáupplausn og marg fleira. Nemendur læra að vinna með lagskiptar myndir, blanda saman myndum, laga myndir og hreyfiauglýsingar fyrir netið.

Adobe InDesign (30 stundir)

Kennt er á InDEsign umbrotsforritið. Lögð er áhersla á að nemendur læri að tileinka sér einfaldar og markvissar aðferðir sem þarf til að koma góðri hugmynd á framfæri t.d. með gerð bæklings. Nemendur vinna raunverulegt verkefni - 4 síðna bækling.

Meðhöndlun lita (6 stundir)

Farið er yfir mismunandi litakerfi í myndvinnslunni. Fjallað er um mismuninn á RGB og CMYK o.fl. og almennt um litvinnslu í Photoshop.

Letur og leturfræði (6 stundir)

Leturgerðir og leturfjölskyldur. Hvernig velja skal letur. Hvað má og hvað má ekki. Hvaða leturnotkun er vænlegust til árangurs.

Skipulag, vistun og frágangur (6 stundir)

Hvernig er best að skipuleggja verkefni. Hvernig á að ganga frá verkum til hinna ýmsu miðla. Hvernig á að skila af sér verkefnum og hvað ber að varast.

Samskipti við fjölmiðla og prentsmiðjur (12 stundir)

Í þessum hluta námskeiðisins er farið í tvær heimsóknir. Farið er í prentsmiðjuna Pentmet og verkferli prentsmiðjunnar skoðað. þá er farið er í Morgunblaðið þar sem Ólafur Brynjólfsson gæðastjóri Morgunblaðsins fer í mikilvægi þess að vanda frágang auglýsinga hvort er fyrir Morgunblaðið eða aðra miðla og fjallar um notkun litaprófíla í Photoshop. Snorri Guðjónsson tæknistjóri fjallar um PDF-skrifun EPS skjala.

Lokaverkefni (12 stundir)

Í lokaverkefninu vinna nemendur kynningarpakka fyrir fyrirtæki sem samanstendur af:
Nafnspjöldum, kveðjuspjöldum, bréfsefni, heilsíðuauglýsingu fyrir tímarit eða dagblað, 2 litlum auglýsingum sama efnis (kálfar) og 2 vefauglýsingum (GIF hreyfimyndum).
Lokaverkefnið er ekki eingöngu unnið í síðustu tímunum heldur er byrjað á því á miðju námskeiðinu og það unnið af og til meðan á námskeiðinu stendur.

Samstarf við Talent Ráðningar

NTV hefur hafið samstarf við Talent Ráðningar. Ráðgjafar frá Talent Ráðningum koma og spjalla við þá nemendur sem eru í tölvu- og tækninámi í NTV. Farið er yfir hvernig er best að bera sig að við atvinnuleit, gerð ferilskrár og fl. Mikil eftirspurn er eftir tölvu- og tæknifólki í dag en Talent Ráðningar sérhæfa sig í tækni- og sérfræðistörfum. Heimasíða Talent er www.talent.is

Skráning á námskeið | prenta síðu