Námsbrautir NTV viðurkenndar sem inntökuskilyrði hjá háskóla í Danmörku

Einn af stærstu viðskiptaháskólum í Danmörku, Business Academy SouthWest (EASV), hefur gert samstarfssamning við NTV um að viðurkenna tveggja anna námsbrautir NTV sem inntökuskilyrði fyrir nám í skólanum.

Fjöldi íslenskra námsmanna hafa stundað nám hjá EASV en skólinn býður upp á nokkrar mismunandi námsbrautir s.s.:

• Stjórnsýslufræði
• Fjármálafræði
• Markaðsfræði *
• Tölvunarfræði *
• Margmiðlun *
• Tískuhönnun

* Val um kennslu á ensku eða dönsku.

Inntökuskilyrði fyrir nemendur NTV vegna inngöngu í EASV verða eftirfarandi:

1. Tungumálakunnátta:
   1. Fyrir námsbraut sem kennd á ensku þarf að hafa lokið áfanga 303 í framhaldsskóla eða taka tilsvarandi stöðupróf frá viðurkenndum málaskóla
   2. Fyrir námsbraut sem kennd er á dönsku þarf að hafa lokið við stúdentspróf í dönsku eða taka tilsvarandi stöðupróf hjá viðurkenndum málaskóla
2. Hafa lokið einu af eftirfarandi námi frá NTV:
   1. Sölu-, markaðs- og rekstrarnámi.
   2. Skrifstofu- og rekstrarnámi

Þeir nemendur sem hyggja á nám í margmiðlun hjá EASV þurfa auk þess að ljúka öðru af eftirfarandi námskeiðum hjá NTV:

1. Auglýsingatækni
2. Alvöru vefsíðugerð

Nánari upplýsingar um námið er á heimasíðu EASV: www.easv.dk

Íslendingar þurfa ekki að greiða nein námsgjöld til EASV

Skráning á námskeið | prenta síðu