|
Ég mæli hiklaust með námi í NTV skólanum. Námið er vel skipulagt og ég öðlaðist mikla reynslu. Kennarar og starfsfólk til fyrirmyndar og það er ekki spurning að ég myndi velja NTV til að læra meira. - Gunnhildur Inga Geirsdóttir, fyrrverandi nemandi í Bókaranám framhald |
Að þessu námskeiði loknu ættu nemendur að hafa vald á öllum helstu færniþáttum sem prýða góðan bókara.
Á námskeiðinu er ekki kennt eiginlegt fjárhagsbókhald þ.e. færslur bókhalds dag frá degi. Gert er ráð fyrir að nemendur hafi kunnáttu á þeim þætti bókhaldsins. Æskilegast er að nemendur hafi lokið Grunnnámi í bókhaldi og excel. Námskeiðið er einnig óháð reynslu nemenda af mismunandi bókhaldskerfum þar sem allt námsefnið er unnið í Excel og því nauðsynlegt að nemendur hafi góða grunnþekkingu í því forriti.
Á námskeiðinu er fjallað ítarlega um laun og farið er í helstu hlunnindi, launataxta, reiknað endurgjald og margt fleira tengt launum. Afstemmingar viðskiptamanna og lánardrottna. Farið er yfir fyrningar eigna, uppreikning lána og allar nauðsynlegar lokafærslur uppgjörs. Virðisaukaskattaumhverfið, kenndar eru leiðréttingar á virðisaukaskattskilum. Gerð ársreikninga er tekin fyrir og í lokin eiga nemendur að vera færir um að setja upp einfaldan ársreikning með öllum þeim lokafærslum sem honum tilheyra.
Námið byggir á mikilli verkefnavinnu og gera má ráð fyrir þó nokkurri heimavinnu. Lögð er áhersla á að verkefnin séu hagnýt og til þess fallin að auka skilning og færni nemenda og styrkja þá í sjálfstæðum vinnubrögðum.
Ef fólk greiðir fyrstu 2 annirnar í upphafi þá kostar það kr. 469.900 (afsláttur kr. 64.600)
Að loknu námi á nemandi að hafa öðlast þekkingu og skilning á:
Allt efnið er unnið í Excel töflureikni svo nemendur ættu að hafa öðlast mjög góðan skilning og færni í að vinna með Excel.
Námið byggir á fyrirlestrum og mikilli verkefnavinnu. Lögð er áhersla á að verkefnin séu hagnýt og til þess fallin að auka skilning og færni nemenda og styrkja þá í sjálfstæðum vinnubrögðum.
Verkefnavinna nemenda er mikil í náminu og er gert ráð fyrir nokkuð mikilli heimavinnu. Mikilvægt er að nemendur geri sér grein fyrir að besta leiðin til að læra bókhald er endurtekning og því er mikilvægi heimanáms mikið. Áhersla er lögð á sjálfstæð vinnubrögð nemenda undir handleiðslu kennara.
Fyrir þá sem hafa lokið Grunnnámi í bókhaldi og excel eða sambærilegum undirbúningi og ætla sér að starfa við bókhald. Að þessu námskeiði loknu ættu nemendur að hafa vald á öllum helstu færniþáttum sem prýða góðan bókara.
Námskeiðið er hluti af námsleiðinni - Viðurkennt bókaranám sem skiptist í:
1. Grunnnám í bókhaldi og excel
Þeir sem ekki hafa lokið Grunnnámi í bókhaldi og Excel eða Skrifstofuskólanum, sem eru undanfarar þessa námskeiðs, þurfa að hafa grunnþekkingu á bókhaldi og Excel-töflureikni ásamt grunnþekkingu á virðisaukaskatti.
Sjá nánari upplýsingar hér: http://www.ntv.is/is/um-ntv/greidsla-namskeidsgjalda
Við viljum benda á að fyrirtæki, stór og smá, leita í auknu mæli eftir starfsfólki úr nemendahópi NTV. Við mælum að sjálfsögðu með okkar góðu nemendum.
Til að auka líkur hjá þeim nemendum sem leita eftir nýju starfi að námi loknu kemur ráðgjafi frá Capacent og heldur kynningu um hvernig nemendur eigi að bera sig að varðandi umsóknarferli, ferilskrá og ráðningarviðtöl.
Athugið að skipting og lengd námsgreina er einungis til viðmiðunar.
Gert er ráð fyrir að nemendur hafi grunnþekkingu á Excel. Einkum er fjallað um aðgerðir og föll í Excel sem nýtast í verkefnum sem gerð verða í náminu.
Byrjað er á því að skoða kjarasamninga almennt ásamt reglum um reiknað endurgjald. Fjallað er um mismunandi launaliði og hlunnindi ásamt frádráttarliðum. Þá eru reiknuð laun og launaseðlar gerðir í Excel. Loks er farið í launakerfi sem hluta af bókhaldskerfi og farið í gegnum allt ferlið þar, allt frá stofnun launþega yfir í að keyra út skilagreinar. Fjallað er um skattkort, opinber gjöld, lífeyrissjóði og mismunandi tegundir af skilagreinum.
Farið er í lista yfir lánardrottna og viðskiptamenn og hvernig þeir eru flokkaðir og tengdir aðilar teknir til skoðunar ásamt því hvernig þessar upplýsingar eru birtar í ársreikningum.
Fjallað er um mismunandi reglur um fyrningar fyrirtækja, annars vegar samkvæmt skattareglum og hins vegar samkvæmt venjum í reikningshaldi. Nemendur fylla út fyrningatöflur, bæði skattalegar og reikningshaldslegar, og gera viðeigandi færslur sem hluta af uppgjöri.
Fjallað er um virðisaukaskatt og afstemmingar virðisaukaskatts. Gerðar eru leiðréttingarskýrslur
Tekin eru fyrir lán fyrirtækja og farið ítarlega í uppreikning þeirra miðað við verðbólgu og gengi. Farið er yfir mun á langtíma- og skammtímaskuldum. Nemendur reikna lánatöflur og færa nauðsynlegar færslur sem hluta af uppgjöri, svo sem uppreikning lána, næsta árs afborganir og áfallna vexti.
Farið er í lykilafstemmingar sem óskað er eftir við ársuppgjör. Nemendur læra hvernig má flýta fyrir endurskoðunarvinnu og gera það ferli bæði styttra og ódýrara. Ennfremur læra nemendur að ganga frá uppgjöri sjálfir með öllum þeim færslum sem þarf að gera.
Farið er yfir uppbyggingu ársreiknings: áritanir, rekstrar- og efnahagsreikning og sundurliðanir.
Einnig eru reiknaðar algengar og gagnlegar kennitölur úr upplýsingum í ársreikningum.
Nemendur búa til ársreikning frá grunni.
Vinnustofa eru tvö skipti þar sem nemendur geta mætt og unnið undir handleiðslu kennara. Þar er ekkert nýtt efni tekið fyrir heldur geta nemendur komið með spurningar og verkefni sem þeir vilja fá aðstoð við.
Nemendur gera ítarlegt lokaverkefni þar sem framkvæmt er uppgjör á fyrirtæki. Í lokaverkefninu koma fyrir öll aðalatriðin sem farið hefur verið í á námskeiðinu.
Hlíðasmára 9 - 201 Kópavogur
Sími 544 4500 / Fax 544 4501
skoli@ntv.isSkráðu þig á póstlista hjá okkur og fáðu fréttir og tilboð sent á netfangið þitt.
Gerðu LIKE á facebook síðuna