Forritunarbraut - Diplomanám

NTV er viðurkenndur fræðsluaðili af Mennta - og meningarmálaráðuneytinu. Mikið af spennandi námsleiðum í boði á bæði viðskipta- og tæknisviði.

Forritunarbraut - Diplomanám

Lengd námskeiðs

798 kennslustundir

Verð

Sjá verð á námsbraut hér neðar.

 

Fjarnám í boði

Vandað sérhannað fjarnám er í boði í þessu námi - sjá neðar á síðunni.

Forritunarbrautin

Þetta er yfirgripsmikið forritunarnám sem spannar þrjár heilar annir þar sem kenndir eru allir helstu færniþætti sem forritarar þurfa kunna til að starfa við hugbúnaðarsmíði. Námsefnið og verkefnin er unnin í samstarfi við íslensk hugbúnaðarhús og kennararnir starfa allir í fullri vinnu við forritun hjá stórum framsæknum fyrirtækjum. Námið er því sérlega miðað að allri þróun og áherslum markaðarins á hverjum tíma.

Á fyrstu önn læra nemendur grundvallaratriði í forritun og fræðast um smíði snjallsímaforrita með Flutter sem er ný tækni frá Google. Auk þess fá nemendur þjálfun í viðmótshönnun og notendaupplifun.  Fyrstu önninni lýkur svo með lokaverkefni.

Á annarri önn læra nemendur að hanna skýjalausnir og bæta við þekkingu fyrri annar.  Nemendur læra að forrita kerfi sem eru með viðmót í vafra og eru þ.a.l. ekki bundin við ákveðin stýrikerfi og henta m.a. fyrir snjalltæki. Þetta er vinsælasta leiðin fyrir nýjar hugbúnaðarlausnir.  Önninni lýkur svo með lokaverkefni þar sem nemendur hnýta saman þekkingu sína af fyrstu tveimur önnunum.  Eftir aðra önn eiga nemendur að vera hæfir til að smíða sinn eigin hugbúnaði í AZURE skýjaumhverfinu.

Á þriðju og síðustu önninni er farið meira í bakenda forritun. Nemendur læra uppsetningu gagnvirks vefjar á vefþjón. Farið er í varðveislu gagna, notkun gagnasniðs (e. data format) og þáttun (e. parsing) þeirra í vef. Nemendur vinna að gerð vefja og/eða snjallsímaforrita með gagnagrunni. Þriðja önnin er framhald af 1. og 2. önn á henni er lögð áhersla á föll/aðferðir og hlutbundna forritun. Unnið er með utanaðkomandi gögn svo sem textaskrár og gagnagrunna. Forritun með frávikum (e. exceptions) búin til og notuð. Einnig er unnið með marga klasa í sama verkefni. Þriðju önninni lýkur með stóru raunhæfu lokaverkefni.

Námið er þrjár annir og kostar kr. 1.085.400 ef staðgreitt (kr. 120.600 í afslátt). Ef keyptar eru stakar annir kostar 1. önnin kr. 335.000, önnur önnin kr. 415.000 og þriðja önnin kr. 456.000.   Fyrir þá sem byrja í Grunnnám í forritun og ákveða síðan að halda áfram, þá gengur námskeiðagjaldið í Grunnnáminu upp í námskeiðagjaldið fyrir framhaldið að frádregnum kr. 20.000. 

Hjá skólanum kenna sérfræðingar sem á sama tíma eru að starfa á fullu í framsæknum íslenskum fyrirtækjum og er því öll þekking, kennsla og verkefni í miklum tengslum við það sem er að gerast í atvinnulífinu á hverjum tíma.

Námið samanstendur af fyrirlestrum og verklegum æfingum í skólanum ásamt verkefnavinnu utan kennslutíma. Mikilvægt er að nemendur leggi sig fram í verkefnavinnu utan skólatíma og séu mjög duglegir að leita allra leiða í að þróa færni sína. Góður forritari er alla ævi að leita og læra nýja hluti. NTV miðar að því á hverri önn að fá gestafyrirlesara og fara í áhugaverðar fyrirtækjaheimsóknir eftir því sem kostur er og sem tekur mið af viðfangsefnum hverju sinni.

Fyrir hverja?

Forritunarbrautin er fyrir alla sem hafa áhuga á að starfa við forritun. Fyrsta önnin er jafnframt gagnleg fyrir kerfisstjóra sem vilja gera einfaldari forrit. Þessi námsbraut er ekki hugsuð fyrir reynda forrritara. Reyndir forritarar gætu þó haft áhuga á ákveðnum þáttum í náminu sbr. Xamarin námskeiðinu.

Get ég prófað hvort forritun og forritunarnám á við mig?

Námið er þannig sett upp að fyrsti hluti námsins er grunnur í C# og þann hluta er hægt að kaupa sérstaklega. Nemendur geta svo haldið áfram námi á forritunarbrautinni. 

 

Fjarnám

NTV skólinn býður upp á vandað fjarnám með góðum stuðningi. Nemendur fá allt ítarlegt námsefni, fyrirlestra, verkefni og úrlausnir í gegnum nemendaumhverfi skólans sem er aðgengilegt hvar og hvenær sem er á netinu. Jafnframt fá nemendur aðgengi að upptökum úr kennslutímum sem aukaefni, þegar það á við, og gefst nemendum kostur á að horfa á það hvar og hvenær sem er. Fjarnemendur hafa aðgengi að leiðbeinanda í gegnum nemendasvæðið með allar fyrirspurnir.  Skipulögð samskipti kennara/umsjónarmanns við fjarnemendur fara fram rafrænt og í síma óski nemendur þess.  Í upphafi fá fjarnemendur námsdagskrá sem tilgreinir og tímasetur alla námsyfirferð, verkefnaskil, prófadaga og annað sem við á. Öll próf eru framkvæmd í gegnum nemendaumhverfi NTV á netinu. Öllum nemendum í fjarnámi býðst að koma í valda tíma í staðnáminu ef þeir óska eftir því svo fremi sem það eru laus sæti.


Markmið með náminu

Nemandi sem leggur sig fram í náminu á að geta staðið sig vel í starfi sem forritari hjá hugbúnaðarhúsi.

Inntökuskilyrði

Almennt gott tölvulæsi.  Nemendur verða að vera færir um lesa námsefni á ensku, sem er almennt tungumál hugbúnaðargeirans.


Greiðslumöguleikar

Sjá nánari upplýsingar hér: http://www.ntv.is/is/um-ntv/greidsla-namskeidsgjalda

Kvöld- og helgarnámskeið

Námskeið hefst: 17.02 2021
Námskeiði lýkur: 22.06 2022
Dagar: mánudagur, miðvikudagur
Tími: 18:00-21:00 & verkefnadagar nokkra laugardaga

Kvöld- og helgarnámskeið

Námskeið hefst: 15.02 2021
Námskeiði lýkur: 25.05 2022
Dagar:
Tími: FJARNÁM




 Þetta á BARA við þá sem eru að skrá sig í nám sem styrkt er af FA - Skrifstofuskólann og Sölu- markaðs- og rekstrarnám.



 Ef þriðji aðili greiðir fyrir námið þarf að fylla út reitina hér að neðan.
Td. starfsmannasjóri eða yfirmaður (þarf ekki að fylla út nema það eigi við)
Er eitthvað sem þú vilt koma á framfæri?

Svæði

Nýi tölvu- og viðskiptaskólinn

  • Hlíðasmára 9 - 201 Kópavogur
  • Sími 544 4500 / Fax 544 4501

Fréttabréf

Skráðu þig á póstlista hjá okkur og fáðu fréttir og tilboð sent á netfangið þitt.