Flýtilyklar
Kerfis - og netstjóri diplómanám/ Braut 3 annir
Lengd námskeiðs
542 kennslustundirVerð
1.265.690 kr. ef staðgreitt.Almennt um námið
Þetta þriggja anna nám kynnir nemendur fyrir flestum þeim verkefnum sem kerfisstjórar þurfa að takast á við í starfi sínu. Námsbrautin Kerfis- og netstjóri diplómanám er ætluð þeim sem hafa áhuga á að starfa við kerfisstjórn og geta stjórnað netþjónum ásamt, eða í stað, notandaþjónustu. Nemendur læra að vinna með Windows 10 útstöðvar ásamt því að vinna með netþjóna (Windows Server) og nemendur fá mikla kennslu í netkerfum og þá sér í lagi að sýsla með Cisco búnað. Námið er sérstaklega yfirgripsmikið og er mikill skortur fólki á vinnumarkaði með þessa fjölbreyttu þekkingu.
Kerfis- og netstjóri diplómanám byggir á námsbrautinni Kerfisstjóra diplómanámi að viðbættu undirbúningsnámskeiði fyrir hina eftirsóttu Cisco CCNA vottun. Brautin er verkefnamiðuð og er mikil áhersla lögð á hagnýta verkefnavinnu. Brautin inniheldur m.a. yfirgripsmikið lokaverkefni.
Námið er þrjár annir og kostar kr. 1.265.690 ef staðgreitt er fyrir allt námið. Ef keyptar eru stakar annir kostar 1. önnin kr. 522.500, önnur önnin kr. 524.750 og þriðja önnin kr. 441.800. Fyrir þá sem greiða Tölvuviðgerðir fyrst og ákveða síðan að halda áfram, þá gengur námskeiðagjaldið í Tölvuviðgerðum upp í námskeiðagjaldið fyrir framhaldið að frádregnum kr. 20.000.
NTV skólinn er eini skólinn á Íslandi sem er bæði vottaður af Microsoft og Cisco. Skólinn er bæði Microsoft Silver Partner ásamt því að vera viðurkenndur sem Cisco Academy. Hjá skólanum kenna sérfræðingar sem á sama tíma eru að starfa á fullu í framsæknum íslenskum fyrirtækjum og er því öll þekking, kennsla og verkefni í miklum tengslum við það sem er að gerast í atvinnulífinu á hverjum tíma. Allt kennsluefni er frá Microsoft og Cisco.
Markmið
Nemendur sem ljúka námsbrautinni og standa sig með prýði eru færir um að starfa á tölvuverkstæðum, við notandaþjónustu og við kerfisstýringu. Nemendur hafa þekkingu til að afla sér frekari þekkingar í faginu.
Eftir námskeiðið eiga nemendur að:
• Hafa þekkingu og skilning á vélbúnaði tölva.
• Geta gert við bilaðar tölvur og skipt um bilaða íhluti.
• Kunna að sýsla með Windows stýrikerfi, þ.m.t. skilja hvernig
hægt er að stýra aðgangi notanda að skrám.
• Geta þjónustað notendur í Active Directory umhverfi, þ.m.t. stofnað notendur,
endursett lykilorð og set notendur í notandahópa.
• Hafa kynnst Linux stýrikerfi.
• Þekkja helstu öryggishættur og vita hvernig á að verjast þeim.
• Hafa góða þekkingu á hvernig algengustu netkerfi virka
og geta leyst úr einföldum vandamálum tengdum þeim.
• Kunna að sýsla með Cisco netbúnað og hafa góðan skilning
á almennri virkni netbúnaðar, t.d. hvernig leiðum netpakka er stjórnað.
• Gera sér grein fyrir mikilvægi góðrar skjölunar, hafa skilning á mikilvægi vel
skrifaðra verkbeiðna og geta teiknað upp ýmsar tegundir tölvukerfa.
• Geta sett upp og stjórnað Office 365 skýjaumhverfi.
• Hafa yfirgripsmikla þekkingu á hinum ýmsu Windows Server þjónustum,
nemendur geta sett upp og stillt þjónusturnar eftir þörfum.
• Geta sett upp og stjórnað Microsoft SQL þjónum, þ.m.t. stjórna aðgangi
mismunandi notenda og tekið öryggisafrit af þeim.
• Hafa hlotið þjálfun, með lokaverkefni, til að skipuleggja tölvukerfi.
Greiðslumöguleikar
Sjá nánari upplýsingar hér: http://www.ntv.is/is/um-ntv/greidsla-namskeidsgjalda
Inntökuskilyrði
Nemendur þurfa að kunna góð skil á notendaumhverfi Windows-stýrikerfisins og geta lesið ensku þar sem stór hluti námsefnis er á ensku. Reynsla af rekstri tölvukerfa er ekki nauðsynleg.
Fyrirtæki leita mikið til NTV eftir starfsfólki
Við viljum benda á að fyrirtæki, stór og smá, leita í auknum mæli eftir starfsfólki úr nemendahópi NTV. Við mælum að sjálfsögðu með okkar góðu nemendum.
Aðstoð við ferilskrá
Til að auka líkur hjá þeim nemendum sem leita eftir nýju starfi að námi loknu kemur ráðgjafi frá Capacent og heldur kynningu um hvernig nemendur eigi að bera sig að varðandi umsóknarferli, ferilskrá og ráðningarviðtöl.
Námsþættir
Námsbrautin er samsett úr námskeiðunum:
• Cisco CCNA Routing and Switching
Hægt er að sjá nánari lýsingu á hverju námskeiði fyrir sig hér á síðunni.
Nemendur á þessari braut fara auk þess í sérstakt Linux námskeið sem er aðeins fyrir nemendur Kerfisstjóra diplóma og Kerfis- og netstjóra diplóma brautanna.
Auk þess taka nemendur á brautinni þátt í viðamiklu lokaverkefni, sem tekur saman efni brautarinnar og er aðeins fyrir nemendur Kerfisstjóra diplóma og Kerfis- og netstjóra diplóma brautanna.
Nánar
Nemendur sem ljúka námi á námsbrautinni hafa hlotið undirbúning fyrir þessi valkvæðu vottunarpróf:
- CompTIA A+ (220-901 og 220-902)
-Hafa fengið kynningu á hluta efnis sem þarf fyrir CompTIA Security+ (SY0-401) prófið
- Configuring Windows Devices (70-698)
- Managing Office 365 Identities and Requirements (70-346)
- Installation, Storage, and Compute with Windows Server 2016 (70-740)
- Networking with Windows Server 2016 (70-741)
- Identity with Windows Server 2016 (70-742)
- CCNA Routing and Switching (200-125 CCNA).
Námsbrautin er sett saman með áherslur á þarfir íslenskra fyrirtækja. Nemendur sem ljúka þessari námsbraut geta sérhæft sig með sjálfstæðu áframhaldandi námi t.d.:
- Klárað Enabling Office 365 Services (70-347) prófið til að hljóta vottunina MCSA: Office 365
- Klárað Configuring Windows Devices (70-697) prófið til að hljóta vottunina MCSA: Windows 10
- Haldið áfram að læra um Cisco netkerfi með því að skoða CCNP gráðurnar eða aðrar CCNA gráður.
Kvöldnámskeið
Námskeið hefst: 29.01 2019Námskeiði lýkur: 27.05 2019
Dagar: þriðjudagur, fimmtudagur, laugardagur
Tími: 18:00 - 22:00 og 8:30 - 12:30 á laug.
Kvöld- og helgarnámskeið
Námskeið hefst: 19.02 2019Námskeiði lýkur: 27.05 2020
Dagar: þriðjudagur, fimmtudagur, laugardagur
Tími: 18:00 - 22:00 og 8:30 - 12:30 á laug.
Hlíðasmára 9 - 201 Kópavogur
Sími 544 4500 / Fax 544 4501
Gerðu LIKE á facebook síðuna