Kerfisrekstur í skýi

Lengd námskeiðs

Verð

ALMENNT UM NÁMIÐ

Námskeiðið er undirbúningur fyrir 3 alþjóðlegar vottanir frá microsoft. Námið skiptist niður í nokkur hólf til undirbúnings á neðan greindum vottunum:

• Microsoft Azure Administrator (AZ-104).
• Managing Modern Desktops (MD-101) .
• Microsoft 365 Mobility and security (MS-101).

MARKMIÐ

Markmiðið er að nemendur séu undirbúnir fyrir fyrrnefnd próf og einnig uppsettingu á staðar kerfum með Windows server 2019.

Nemendur sem ljúka námskeiðinu og standa sig með prýði eru færir um að stýra minni og meðalstórum Windows Server/Azure netkerfum, reynslumeiri nemendur geta nýtt þekkinguna til að stýra stærri kerfum. Nemendur eiga að geta aflað sér frekari þekkingar í faginu á eigin spýtur.

Nemendur hafa:

• Geta sett upp Windows Server 2019 stýrikerfi.
• Geta skýrt út muninn á mismunandi Windows Server 2019 útgáfum (t.d. muninn á Server Core og Nano server).
• Geta stillt stýrikerfið til að virka í netkerfi sem hefur verið skipulagt og er tilbúið.
• Þekkja ýmsa tækni sem snýr að geymslu gagna á Windows Server.
• Þekkja ýmsa tækni til að deila gögnum á milli netþjóna (DFS, BranchCache)
• Kunna að sýsla með Hyper-V á stökum serverum.
• Skilja tilgang með „containers“, t.d. Docker.
• Þekkja aðferðir til björgunar kerfa (e. disaster recovery).
• Geta sett upp, stjórnað og bilanagreint vandamál í DHCP, DNS og IPAM kerfum Windows Server 2019.
• Þekkja skilríkjakerfi Windows Server (e. Certificate Authority).
• Skilja tengingu ytri kerfa og hugbúnaðar við innri kerfi (AD FS og Web Application proxy).
• Tenging á Active Directory við Azure Active Directory
• Skilningur á MDM (Mobile Device management)
• Dreifing á Windows 10 stýrikerfi með AutoPilot
• Virkjun og stillingar gagnvart Microsoft Intune

KENNSLUAÐFERÐIR

Í hverjum kennslutíma eru fyrirlestrar og einnig er lögð áhersla á verklegar æfingar og stýrir kennari umræðum um námsefnið ásamt sýnikennslu o.fl.

HEIMALÆRDÓMUR

Gert er ráð fyrir að nemendur lesi kennslubók sem skólinn útvegar. Um er að ræða viðurkennt kennsluefni Microsoft press. Einnig má eiga von á að nemendur þurfi að lesa greinar o.fl. á Netinu sem kennari bendir á. Mikill kostur er ef nemendur hafa aðgang að sýndarumhverfi heima hjá sér (annars hægt að nota aðstöðu í skólanum) til að vinna að verkefnum eða fikta í stýrikerfunum en það er þó ekki nauðsynlegt nema fyrir hluta af námseiðinu.

FYRIR HVERJA

Námskeiðið hentar núverandi kerfisstjórum sem vantar þekkingu á nýjustu tækni í Windows Server/Azure. Nemendur þurfa að hafa kynnst a.m.k. grundvallaratriðum úr Microsoft Active Directory og Azure Active Directory til að geta fengið sem mest út úr námskeiðinu. Slíkur undirbúningur er hluti af námskeiðinu Umsjón Windows Stýring & uppsetning & Stýring 365 kerfa

Skólinn er bæði Microsoft Silver Partner ásamt því að vera viðurkenndur sem Cisco Academy. Hjá skólanum kenna sérfræðingar sem á sama tíma eru að starfa á fullu í framsæknum íslenskum fyrirtækjum og er því öll þekking, kennsla og verkefni í miklum tengslum við það sem er að gerast í atvinnulífinu á hverjum tíma. Kennarar eru með alþjóðlega vottun, Microsoft Certified Trainer. Allt kennsluefni er frá Microsoft og Cisco.

INNTÖKUSKILYRÐI

Gert ráð fyrir að nemendur hafi þekkingu á þjónustu stðar tölvukerfa og kynnt sér Azure. Nemendur sem ekki hafa reynslu af þjónustu við slík kerfi ættu að taka námskeiðið Windows stýring og PowerShell & Stýring 365 kerfa sem er góður grunnur fyrir þetta námskeið. Nemendur þurfa að hafa þekkingu á Active Directory og Azure Active Directory. Námskeiðið er ekki ætlað algerum byrjendum, þeim sem enga reynslu hafa í faginu bent á taka námsbrautina Kerfisstjóri Diplómanám eða Kerfis- og netstjóri Diplómanám sem þetta námskeið er hluti af.

Námskeiðið er hluti af þessum námsbrautum:
• Kerfisstjóri Diplómanám
• Kerfisstjóri og Netstjóri Diplómanám

GREIÐSLUMÖGULEIKAR

SJÁ NÁNARI UPPLÝSINGAR HÉR: HTTP://WWW.NTV.IS/IS/UM-NTV/GREIDSLA-NAMSKEIDSGJALDA

FYRIRTÆKI LEITA MIKIÐ TIL NTV EFTIR STARFSFÓLKI.

Við viljum benda á að fyrirtæki, stór og smá, leita í auknum mæli eftir starfsfólki úr nemendahópi NTV. Við mælum að sjálfsögðu með okkar góðu nemendum.

Skýringar á námsþáttum koma fram undir flipanum Almennt.

Allar helstu skýringar eru undir flipanum Almennt.

Kvöld- og helgarnámskeið