Stjórnun og leiðtogafærni

NTV er viðurkenndur fræðsluaðili af Mennta - og meningarmálaráðuneytinu. Mikið af spennandi námsleiðum í boði á bæði viðskipta- og tæknisviði.

Stjórnun og leiðtogafærni


Lengd námskeiðs

120 kennslustundir

Verð

225.000

Stjórnun og leiðtogafærni á mannamáli

Stutt lýsing á námsleið

Námsleiðin Stjórnun og leiðtogafærni á mannamáli er sérsniðin að millistjórnendum með mannaforráð. Lagt er upp með að námsleiðin sé fræðsla í bland við praktískar aðferðir við stjórnun og hvernig megi leiða aðra í átt að árangri. 

Á námskeiðinu munu þátttakendur kynnast aðferðum og æfingum sem stuðla að því að efla sig sem leiðtoga. Farið verður yfir teymisfræði hvernig megi laða fram það besta hjá sjálfum sér og öðrum. Eins verða kenndar aðferðir til að stuðla að heilbrigðum vinnustað með því að byggja upp árangursríka menningu með aðferðum verkefna- og breytingastjórnunar. Hvernig takast eigi við áskoranir úr ytra umhverfi og hvernig megi nýta samningatækni og aðrar aðferðir í hröðum veruleika. Einnig verður farið yfir hvernig hægt sé að efla sig í kraftmiklum kynningum og framkomu sem og að varða framtíðarsýn fyrir sitt teymi/skipulagsheild.

Fyrir hverja?

Niðurstöður rannsókna á frammistöðu stjórnenda víða um heim sýna að árangursríkir stjórnendur eru þeir sem beita mismunandi stjórnunarstíl eftir einstaklingum og aðstæðum hverju sinni. Þær rannsóknir sýna að 50-70% af starfsanda og líðan starfsfólks á vinnustað útskýrist af stjórnunarstíl stjórnenda. (1) Það er því ljóst að ábyrgð stjórnenda er mikil. Námskeiðið Stjórnun og leiðtogafærni á mannamáli er sérsniðið að:

  • Millistjórnendum með mannaforráð
  • Stjórnendum sem vilja efla sig sem leiðtoga
  • Stjórnendum sem eru undir miklu álagi og vilja læra leiðir til minnka álagið á sjálfum sér á sama tíma og þeir ná meiri árangri
  • Stjórnendum sem er umhugað um líðan starfsfólks
  • Stjórnendum sem vilja með góðu skipulagi, samskiptum og heilbrigðu starfsumhverfi skapa umhverfi þar sem teymið nær hámarks árangri
  • Stjórnendum sem vilja efla sig í framkomu og að halda kynningar

Markmið:

Að þátttakendur hafi þekkingu og hæfni til að skapa fyrirtækjamenningu sem stuðlar að vellíðan starfsfólks og hámarkar árangur heildarinnar.

Við lok námskeiðs hafa þátttakendur öðlast breiða yfirsýn á stjórnunar- og leiðtogafræði. Eins hafa þeir aðgang að aðferðum og praktískum tólum og tækjum sem þeir geta nýtt í sínum störfum við að leiða sitt teymi/sína skipulagsheild í átt að árangri.

6 vikna lotunám, verkefnaskil og diplóma:

Námsleiðin er kennd í sex lotum þar sem hver lota er ein vika. Þátttakendur fá allt námsefni og ítarefni í upphafi hverrar lotu ásamt verkefni til að vinna þegar það á við. Frammistöðumat/einkunn er gefin fyrir námið sem byggist á verkefnaskilum. Þátttakendum er frjálst að skila verkefnum, en án verkefnaskila er ekki hægt að veita viðkomandi frammistöðumat. Þeir sem vinna samviskusamlega og skila verkefnum fá Diplóma frá NTV skólanum með einkunnum.

Loturnar eru 6 og þær eru eftirfarandi:

  • Lota 1:  Stefnumótun og leiðtogafærni
  • Lota 2:  Teymisfræði og samskipti
  • Lota 3:  Heilbrigður vinnustaður og starfsumhverfi nútímans
  • Lota 4:  Verkefnastjórnun og breytingastjórnun
  • Lota 5:  Samningatækni og aðferðir í hröðum veruleika
  • Lota 6:  Kraftmiklar kynningar og framkoma, framtíðarsýn og lokaverkefni

Námsefnið, verkefnin og nemendaumhverfið:

Námsefnið er í formi kennslumyndbanda sem leiðbeinendur og skólinn hafa framleitt, lesefni, ítarefni auk verkefna.  Nemendur fá aðgengi að því efni sem tengist hverri lotu við upphaf lotunnar.  Aðgengið að námsefninu og samskipti við leiðbeinendur er í gegnum nemendaumhverfi skólans. Hluti af námsefninu getur verið á ensku, þá aðallega ítarefni. Verkefni geta verið skýrslur, greinagerðir, aðgerðaáætlun, , myndbönd, próf/quiz eða hvað sem kennarar í fjarnámi telja að henti best hverju viðfangsefni.  Nemendaumhverfi skólans er í gegnum Office 365 umhverfið, þar sem öll miðlun á efni og samskipti eru í Teams, í lokuðum hópi.  Á fyrsta degi, þegar námið hefst, fá nemendur sendan aðgang að nemendasvæðinu svo fremur sem þeir hafa gengið frá greiðslum/greiðslusamkomulagi.

Áætlað vinnuframlag:

Skólinn áætlar að hver nemandi þurfi að verja um 10-15 klukkustundum á viku í viðkomandi námsleið, að því gefnu að viðkomandi leggi sig fram. Það er auðvitað breytilegt eftir einstaklingum sem og áhuga og metnaði viðkomandi. Nemendur fá frammistöðumat/einkunnir að námi loknu, og má gera ráð fyrir að samhengi sé á milli vinnuframlags og frammistöðu.

Umsjón: Dóróthea Ármann, verkefna- og viðburðastjóri RATA, Hafdís Huld Björnsdóttir, framkvæmdastjóri og stofnandi RATA og Svava Björk Ólafsdóttir, leiðtogi nýsköpunar og viðskiptaþróunar og stofnandi RATA

Hafdís Huld Björnsdóttir:

Hafdís Huld er framkvæmdastjóri og stofnandi RATA. Hún er sérfræðingur í umbótamenningu og snillingur í mannlegum samskiptum. Hún veit fátt skemmtilegra en að vinna með fólki þar sem hún brennur fyrir því að sjá einstaklinga vaxa og dafna. Hún er með meistaragráðu í verkefnastjórnun (MPM) og er með BSc gráðu í viðskiptafræði. Hafdís hefur tekist á við fjölbreytt verkefni sem dæmi hefur hún leitt innleiðingu á straumlínustjórnun hjá stærsta tryggingafélagi á Íslandi, verið rekstrar- og mannauðsstjóri í ferðaþjónustufyrirtæki, tekið þátt í opnun nýs hjúkrunarheimilis og unnið að fjölbreyttum verkefnum með það að markmiði að skapa heilbrigða vinnustaði.

Svava Björk Ólafsdóttir:

Svava Björk Ólafsdóttir er leiðtogi nýsköpunar og viðskiptaþróunar og stofnandi RATA. Svava er reynslubolti úr stuðningsumhverfi frumkvöðla og hefur undanfarin ár stutt við bakið á hugmyndasmiðum landsins. Hún er hvetjandi og drífandi orkusprengja með mikinn áhuga á samskiptatækni, framkomu og tengslamyndun. Svava hefur einstakt lag á því að hjálpa fólki út fyrir skelina, að mynda traust og ýta með þeim hætti undir samvinnu teyma og samstarf ólíkra aðila. Hún er með meistaragráðu í verkefnastjórnun (MPM), BSc gráðu í ferðamálafræði og menntaður markþjálfi.

Dóróthea Ármann:

Dóróthea er verkefna- og viðburðastjóri RATA. Dóróthea hefur undanfarið starfað sem sjálfstætt starfandi verkefnastjóri og hefur verkefnastýrt ýmsum verkefnum tengdum nýsköpun, ásamt því að hafa tekið virkan þátt í uppbyggingu fjölskyldufyrirtækis síns, Friðheima. Hún brennur fyrir skipulagi, skilvirkni og skemmtilegheitum og finnst fátt jafn skemmtilegt og krefjandi verkefni sem kalla á að fara út fyrir þægindarammann. Í starfi er hún skipulögð, nákvæm og á auðvelt með að hafa góða yfirsýn. Dóróthea er með MSc gráðu í verkefnastjórnun og nýsköpun, diplóma í viðburðastjórnun og BSc í viðskiptafræði

Heimildir:

  1. Goleman, D., Boyatzis, R.E. & McKee, A. (2013). Primal Leadership: Unleashing the Power of Emotional Intelligence.

Kvöld- og helgarnámskeið

Námskeið hefst: 5.10 2022
Námskeiði lýkur: 16.11 2022
Dagar:
Tími: FJARNÁM




 Þetta á BARA við þá sem eru að skrá sig í nám sem styrkt er af FA - Skrifstofuskólann og Sölu- markaðs- og rekstrarnám.



 Ef þriðji aðili greiðir fyrir námið þarf að fylla út reitina hér að neðan.
Td. starfsmannasjóri eða yfirmaður (þarf ekki að fylla út nema það eigi við)
Er eitthvað sem þú vilt koma á framfæri?

Svæði

Nýi tölvu- og viðskiptaskólinn

Fréttabréf

Skráðu þig á póstlista hjá okkur og fáðu fréttir og tilboð sent á netfangið þitt.