Um NTV

Saga skólans í stuttu máli

Nýi tölvu- og viðskiptaskólinn (NTV) hóf starfsemi sína í október 1996. Stofnendur voru bræðurnir Jón Vignir og Sigurður Karlssynir.

Í byrjun var skólinn að Hólshrauni í Hafnarfirði og síðar einnig í Hlíðarsmára í Kópavogi. Um mitt ár 2003 var ákvörðun tekin um að færa starfsemi skólans undir eitt þak í Hlíðarsmárann og stækka skólann þar um 4 kennslustofur. 
Í dag eru kennslustofur skólans 7, auk aðstöðu fyrir nemendur og starfsfólk.

Viðurkenndur fræðsluaðili

NTV er viðurkenndur af Menntamálastofnun sem fræðsluaðili í fullorðinsfræðslu og sumar námsleiðir gefa einingar til stúdentsprófs. 

Góð reynsla nemenda

NTV hefur ætíð haft það orðspor á sér að vera vinalegur og heimilislegur skóli. Nemendur hafa oft orð á að þeim líði vel í skólanum. Við vitum að flestir okkar nýnemendur koma vegna góðs umtals fyrrverandi nemenda. Í skoðanakönnun hjá nemendum árið 2017, sögðust 98% mæla með skólanum við þriðja aðila. Við erum meðvituð um þetta og er skólanum mjög mikilvægt að viðhalda því þægilega og persónulega viðmóti sem skólinn er þekktur fyrir.

Opnunartími skrifstofu

Skrifstofa skólans er opin alla virka daga kl. 8.00 - 16.00, nema föstudaga frá kl. 8.00 - 13.00. Utan opnunartíma er hægt að senda fyrirspurnir á tölvupóstfangið skoli@ntv.is og verður þeim svarað fljótt og vel. 

Kennitala skólans: 681096-2729 
Reikningsnúmer: 0545-26-000044